العـقـــــل
ظليمة عليه العقل **** وجرحه جديد مازال خاطري
سبايب امراض العقل **** تبع العين والعين ضالة
عقلي تأكل فيه العازة *** متبري من نار أعزازه
العقل مو كبير أسنين *** مغير يأس لولاف شيبه
للعقال نقيم مقام *** وللي سفيه مانديرله عناء
عزاء العقل فيك ادموع *** عليك وين ما رايف بكاء
مسافر معاك العقل *** رفيق ياعلم راك تتركه
مضروب بسيف الشقاء *** العقل لين هدا حالته
الــــــعين
مالك في الغريب نصيب*** على هلك يالعين عاودي
مشاكي العين أقلال *** فزاع مالها غير دمعها
ننهى العين عن دكراه ** تقول نبيه لين تنظره
ننهاك عن الغني يالعين *** نلقاك فى سريبه تايها
العين هدبها مبروم *** على عزيز يامة بكت
غلاهم بقى للعين *** خيال ياعلم في نومها
الـــــخاطر
الخاطر مرابيعه صاف *** ان غابوا ايلاقي غيرهم
صابر والكواين فيه *** شديد عزم تاريته خاطري
الخاطر من قلة دبار *** ايكبر في نار على نار
الخاطر جرحه ما داوه *** على كل اسبيتار رموه
الخاطر في اغياب غواليه ** انصبر فيه ** اتقول رضيع انزازي بيه
الــــيأس
ياس عزيز امعاي داوم *** هو تاوم والتوم يتاوم
اليأس مالقاء ماايدير *** لقاء امعاي لولاف شالهم
اليأس وين جاء بيموت *** لم اعياله وصاهم علي
ذيب اليأس عليا هازي *** في شلاق الصوب ايوازي
الله يخرب بيتك يايأس *** اتباعد في ناس على ناس
شينك يأس عليا امرسي *** قبل ايموت ضناه اموصي
الـــمرهون
حي علي كلت ما عندي *** نارك يامرهون فندي
نار المرهون المدسوسة*** تسطر كيف سطير السوسة
الخاطر من نار المرهون*** ايفز تقول عليه اجنون
دعيت عليهم مرهونيين *** ونكره في ايقول امين
مرهون لاقسم لاهان *** من الساعة امغالته عوج
الـــــصبر
هاك الصبر داوي داك*** احسن عزاك في صاحب غلاء
عالصبر ما يلتام *** جرحه جديد مازال خاطري
عليك وين راد الله *** انسي عزيز يالعين واصبري
الصبر شين وزين *** عليه كان يالعين تقدري
الصبر يالعين طيب *** حطيه في معاديل الغلاء
الــــجرح
مجروحين الجرح انحسوا *** غير اقبال الناس اندسوا
ثلاتين ماهن جرح *** ظليل خاطري جاء بينهم
الجرح كان طال العظم *** يبقى لين يموت صاحبه
خايف العقل ايجول *** يلقى الجرح وايغيب الدواء
الــــعزيز
عزيز في المنام ايجي *** وفي الارض جوبة ياعلم
عزيز اغتني بالغير *** ابكوا امعاي ماليلة هناء
عزيز هو ربيع العين *** رفيق عمر ما ينتسا
عزيز كان فيه نصيب *** نرجوه رجا طول عمرنا
الثلاثاء يناير 25, 2011 8:22 pm من طرف حلا
» أغرب ما قيل في المرأة
الثلاثاء يناير 25, 2011 8:37 am من طرف العمده
» اللي يقدر يتحداني ايخش ها
الإثنين يناير 24, 2011 7:25 pm من طرف حلا
» I can not live without
الإثنين يناير 24, 2011 7:12 pm من طرف حلا
» مسجات الامتحانات
الأحد يناير 23, 2011 5:45 pm من طرف الكاسر
» اريد ان انساااك !!!
الأحد يناير 23, 2011 5:43 pm من طرف الكاسر
» شكرا لك خطاءى
الأحد يناير 23, 2011 5:35 pm من طرف الكاسر
» انواع الاصدقاء
الأحد يناير 23, 2011 5:33 pm من طرف الكاسر
» 02 قصة إدريس عليه السلام
الأحد يناير 23, 2011 3:29 pm من طرف حلا
» 01 قصة آدم عليه السلام
الأحد يناير 23, 2011 3:22 pm من طرف حلا